भिडियो सहित हेर्नुहोस !
Advertisement
बाघ संग लडाइँ जितेर ६० बर्षे भण्डारी घर फर्किए
बघिनीसंगको लडाईँमा ६० बर्षे भण्डारी घाइते भएका स्थानीय स्वास्थ्यकर्मी राजकुमार रजकले जानकारी दिनुभयो । ‘उहाँको दुवै हात, खुट्टा र पेटमा चोट लागेको छ’ भण्डारीको उपचार गर्नु भएका आरुआर्बाङ स्वास्थ्यचौकीका सिअहेब रजकले भन्नुभयो ‘उपचार गरेपछि घर फर्किनुभएको छ ।’
भण्डारी बिहान साँढे नौबजे स्थानीय अम्लेघारी वनमा घाँस काट्न जानु भएको थियो । घाइते भण्डारीको भनाइ उद्धृत गर्दै सिअहेब रजकले भन्नुभयो‘बघिनी बच्चाहरुलाई दूध चुसाइरहेको रहिछ । एक्कासी झम्टियो । मैले टाढैबाट खुर्पा प्रहार गरे । खुर्पाले नलागेपछि दुवैको घम्साघम्सी भयो ।’ १०, १२ मिनेट लामो भिडन्तपछि बघिनी भागेको भण्डारीलाई उद्धृत गर्दै रजकले सुनाउनुभयो । ‘घाँटी मर्काइदिएपछि बघिनी भागेको रहेछ’ उहाँले भन्नुभयो ।
