भिडियो सहित हेर्नुहोस !
Advertisement
सरकारी तलव-भत्ता नलिने ‘नयाँ मेयर’
सल्यान – गत बैसाख ३१ मा सम्पन्न ३ प्रदेश को स्थानीय चुनाव मा निर्वाचित सल्यानका एक नगरपालिका का मेयर ले सरकार ले आफुलाई तलव-भत्ता वापत दिने रकम आफुले नलिने भएका छन् । उक्त सुविधा नलिने उदाहरणीय मेयर हुन् -सल्यान जिल्लाको बागचौर नगरपालिका का नवनिर्वाचित प्रमुख(मेयर) लोकमान बुढाथोकी ।
निर्वाचित भएको केही दिनपछि मँगलवार पद भार ग्रहण गर्दै नवनिर्वाचित मेयर बुढाथोकिले आफु लाई जनताले जनताकै सेवा गर्न भनि ‘मेयर’ को कुर्सीमा पुर्याएकोले सरकारले आफ्नो नाममा दिएको तलव-भत्ता पुन: जनताकै लागि फिर्ता गरिने बताएका छन् । सो रक़म सामाजिक काममा लगाईने बताएका छन् ।
सामाजिक काम भनेको कस्तो काम भन्ने जिज्ञासामा मेयर बुढाथोकि ले भने -” बृद्दा तथा अनाथ वालवालिकाहरु गरिविको कारण अझै पनि सडकमा देख्दा मन कटक्कै खान्छ , म उनिहरुलाई व्यवस्थापन गर्न त्यो रकम खर्च गर्नेछु ।”
कमलो मन भएका मेयर ले भावुक हुदै भने समाजको विकास को लागि सबैले सक्दो काम गर्नु पर्न वताएका छन् ।
हिजो मँगलवार पदभार पछि नगरका कर्मचारी हरुको परिचयात्मक कार्यक्रममा उनले यस्तो बताएका हुँन् । मेयर बुढाथोकिले बागचौर नगर लाई ५ बर्ष भित्र यसको स्वरुप बदल्ने ‘भिजन’ आफुसँग भएको र यो काममा कर्मचारीहरुको मुख्य भूमिका हुने बताएका छन् । आफ्नो परिचय दिने क्रममै समय लिएर भने-“बागचौर नगरलाई पूर्ण भ्रष्टाचार मुक्त बनाउन ‘कडा’ रुपमा प्रस्तुत हुन्छु ,मलाई तपाईहरुको साथ चाहिन्छ”।
उनले थपे -“बागचौर नगर लाई हरीयाली मा रूपान्तरण गर्न प्रत्येक व्यक्ति ले असार मसान्त सम्म कम्तिमा पाँच वटा विरुवा रोप्नूस् , ताकि भविष्य मा हरीयाली मात्रै होईन आम्दानीको श्रोत समेत बन्न सक्छ ।” साथै उनले कर्मचारी हरुलाई काममा ‘यूनिफर्म’ लगाएर मात्रै आउन आग्रह गर्दै ‘र्याल’ चुहाउने बानि छ भने आजै देखि छोड्नुस् तथा जनताको काम नगरी ‘ईन्टरनेट/फेसबुक ‘ मा नभुल्न समेत निर्देशन गरे ।
कर्मचारीहरु सँगको परिचयात्मक कार्यक्रम पछि पत्रकार सम्मेलन का साथै चियापान कार्यक्रम समेत गरिएको थियो । मेयर बुढाथोकिले पत्रकार सम्मेलन मा पत्रकार हरुको जवाफ दिदै भने-” हामीले बजेटको पारदर्शी प्रयोग गर्नेछौं , यो कुरामा ढुक्क हुनुहोस् , किन भने हामी जनताका सेवक हौँ । ” नगर का १२ वटा वडालाई समान रुपमा हेरिन्छ भन्दै बुढाथोकि ले थपे-“नगर लाई हरीयाली बनाउन बृक्षारोपण गर्ने, सडक पुगेको ठाँउमा त्यसको स्तरोन्नति गर्ने, सडक नपुगेको ठाँउमा सडक पुर्याउने, ६-१२ महिना सम्म १२ वटै वडामा बिजुली पुर्याउने, शहीद रिँग-रोड निर्माणको काम द्रुत गतिमा अगाडि बढाउने योजनाहरु रहेको छ ।”
साथै नव नियुक्त उप-मेयर कल्पना पुन ले महिलाको चेतना स्तर कम भएकै कारण घरेलु हिंसा को चपेटामा पर्ने भन्दै अब ति दिनहरु हरु हट्ने विश्वास व्यक्त गर्नुभयो । कार्यक्रम मा बोल्दै उप-प्रमुख पुन ले भनिन् -” हरेक तह, जाति क्षेत्र हरुमा कुनै भेदभाव नगरी महिलाको विकासमा, न्याय दिने कुरामा अग्रसरता लिनेछु, काम गर्दा कुनै त्रुटि भए सुझाव दिनुहोस् ।”
पुन ले हिजो गरेका प्रतिवद्दताहरु पुरा गर्न जस्तो सुकै चुनौतीको सामना गर्न तयार रहन जनताले आफूलाई आदेश दिँदै यहाँसम्म पुर्याएकोले आफु पछि नहट्ने बताईन् ।
मेयर तथा उपमेयर ले बोलेका कुराहरु कति सम्म पुरा हुन्छन् त्यो भने हेर्न बाँकि नै छ ।
