भिडियो सहित हेर्नुहोस !
Advertisement
काठमाडौंका मेयरको हातमा वेल्चा र उपमेयरकोमा झाडू
काठमाडौं महानगरपालिकाका मेयर विद्यासुन्दर शाक्य र उपमेयर हरिप्रभा खड्गी झाडू बोकेर काठमाडौं सफाइमा विहीबार निस्किएका छन् । बुधबार पदभार ग्रहण गर्नासाथ मेयर शाक्यले काठमाडौंलाई क्लिन द सीटी बनाउने पहिलो अभियानमा हस्ताक्षर गरेका थिए । सुन्दर र हरित काठमाडौं अभियानको थालनी गर्दै मेयर र उपमेयर झाडू र बेल्चा बोकेर सडक सफाइमा निस्किएका थिए ।
‘काठमाडौं सुन्दर बनाउने अभियान अब सुरू भयो, अब महानगरपालिकाले यो अभियानलाई पुरा गर्नेछ’, मेयर शाक्यले भने,‘काठमाडौं सुन्दर देख्ने सवैको सपना पुरा गर्ने अभियानमा सवैको साथ रहोस् ।’
न्यूरो अस्पताल बाँसबारीदेखि महारागञ्ज चोकसम्म सरसफाई गरिएको छ । मेयर शाक्यले सडकका फोहोर वेल्चाले निकालेका थिए भने उपमेयर खड्गीले झाडूले बढारेकी थिइन् ।
