भिडियो सहित हेर्नुहोस !
Advertisement
दिल्लीमा नेपाली महिलाहरुको उद्धार
भारतको राजधानी नयाँदिल्लीको एक घरबाट २४ महिला एवं युवतीहरुको उद्धार गरिएको छ । रोजगारीका लागि मध्यपूर्वका देशहरुमा पठाउने सपना देखाएर दलालद्वारा उनीहरुलाई विगत एक महिनादेखि दिल्ली, उत्तमनगरको एक घरमा राखिएको थियो । दिल्ली प्रहरी र दिल्लीस्थित नेपाली दूतावासले उनीहरुको उद्धार गरेर माइती नेपाललाई बुझाएको थियो । उद्धार गरिएका उनीहरु १५ देखि ४० वर्षबीचका रहेको इन्डो एसियन न्युज सर्भिस (आईएएनएस)ले जनाएको छ ।
महिलाहरुलाई नेपालबाट खाडी जान नियम कडा पारिएपछि पछिल्लो समय भारत हुँदै विदेश पठाउने गिरोह सक्रिय भएको पाइन्छ । सन् २०१४ र २०१५ मा महिला र बालबालिका गरेर झन्डै १६ हजार ५ सय नेपाली मानव तस्करको फन्दामा परेर विदेशिएको राष्ट्रिय मानव अधिकार आयोगको तथ्यांक छ । सन् २०१५ को भूकम्पपछि उक्त संख्यामा २० प्रतिशत बढोत्तरी भएको आयोगको प्रतिवेदनमा जनाइएको छ
