भिडियो सहित हेर्नुहोस !
Advertisement
महाकाली नदिमा बन्ने चारलेन पुलको शिलान्यास
महेन्द्रनगर: महाकाली नदिमा बन्ने चारलेनको पक्की पुलको प्रधानमन्त्री शेरबहादुर देउवाले शिलान्यास गरेका छन्। बिहीबार प्रधानमन्त्री देउवाले भीमदत्त नगरपालिका वडा नम्बर १२ ओदालीस्थित निर्माण स्थलमा पुलको शिलान्यास गरेका हुन्।
३ अर्ब २६ करोड ९३ लाखको लागतमा निर्माण हुने पुल ३ बर्ष भित्र निर्माण सम्पन्न हुनेछ। कुमार सिएफईसि जेभी महेन्द्रनगरले पुलको निर्माण गर्न लागेको हो। दोधारा चाँदनी झोलुङ्गे पुलबाट २ दशमलब ५ किलोमिटर उतर तथा महाकाली नदिको सारदा ब्यारेजबाट ५ किलोमिटर तल निर्माण हुन लागेको चार लेनको पक्की पुलको लम्बाई ८ सय मिटर छ भने चौडाई २३ दसमलब ८ मिटर रहेको छ।
सरकारले पुल निर्माणका लागि चालू आर्थिक बर्षमा ९९ करोड ६५ लाख रकम बिनियोजन गरेको छ। जसमध्ये १० करोड रकम पुलसँगै निर्माण हुने सडकका लागि जमिन मुआब्जामा खर्च गरिने भएको छ।
