भिडियो सहित हेर्नुहोस !
Advertisement
थबाङमा दुई दलित महिला सदस्य निर्विरोध निर्वाचित
थबाङ गाउँपालिकामा जम्मा पाँच वटा वडा रहेका छन्। वडा नम्बर ३ बाट रामकुमारी कामी र वडा नम्बर ४ बाट माया विक सदस्य पदमा निर्विरोध निर्वाचित हुनु भएको छ। यी दुवै वडामा अन्य दलबाट दलित महिला सदस्यको उम्मेदवारी नपरेपछि स्वतः निर्वाचित हुनु भएको हो।
कसैको पनि दावी विरोध नभएपछि चुनाव चिन्ह प्रदान गर्ने दिन निर्वाचन अधिकृत कमलबहादुर विष्टले दुवैजनालाई निर्वाचित भएको घोषणा गर्नु भयो। अन्य तीन वडामा भने दलित महिला सदस्य पदमा पनि चुनाव हुने भएको छ। नेकपाका कार्यकर्ता र कांग्रेसबीच अघोषित तालमेल भई उम्मेदवारी दिइएको छ। कांगे्रस, स्वतन्त्र, एमालेबाट दलित महिला सदस्य उम्मेदवार रहेका छन्। ५ हजार ७ सय ५५ मतदाता रहेको थबाङ गाउँपालिका स्वतन्त्र/कांग्रेस प्यानल र माओवादी केन्द्रबीच प्रतिस्पर्धा हुने आंकलन गरिएको छ।
