भिडियो सहित हेर्नुहोस !
Advertisement
अव मधेस आन्दोलन संविधानको घेरा बाहिर : महतो
८ जेठ, विराटनगर । काठमाडौंमा सरकार र राष्ट्रिय जनता पार्टीबीच वार्ता भइरहेको समयमा राजपा अध्यक्ष मण्डलका सदस्य राजेन्द्र महतोले अवको मधेस आन्दोलन संविधानको घेरा बाहिर जान सक्ने बताएका छन् ।
उनले भने ‘हाम्रा माग सम्बोधन हुने अवस्था नदेखिए हामी आज दिनभरमा आन्दोलन घोषणा गर्छौं । संविधानको घेराभित्र रहेर गरिएको आन्दोलनको सुनुवाई नभए संविधानको घेराभन्दा बाहिर जाने अवस्था सिर्जना गरिँदैछ ।’
महतोले सरकारले संविधान संशोधनमा सहमति नगरेकाले आजै आन्दोलन घोषणा हुने बताए । विराटनगरमा बिहान गरिएको पत्रकार सम्मेलनमा महतोले आज दिनभर हुने छलफलले टुंगो नलगाए बेलुकीसम्ममा आन्दोलनका कार्यक्रम घोषणा गर्ने बताए ।
शेरबहादुर देउवा नेतृत्वको सरकारले मधेशका मुद्दालाई संविधान संशोधन मार्फत टुंगो लगाउनुको सट्टा द्वन्द्व सिर्जना गर्न लागेको महतोको आरोप छ ।
