भिडियो सहित हेर्नुहोस !
Advertisement
भारतीय अवरोध छिचोल्दै नेपालीले लगाए सीमामा २२ किलोमिटर तारबार
बर्दिया, ३ वैशाख । भारतीय जंगलबाट आउने वन्यजन्तुले सताउन थालेपछि स्थानीय आजित थिए । वन्यजन्तु आतंकबाट बच्न उनीहरुले दशगजा वरै आफ्नै भूभागमा विद्युतीय तारबार लगाउन खोजे ।
आजको कान्तिपुरमा खबर छ– पटक–पटक भारतीय सीमा सुरक्षा बल (एसएसबी)ले काममा भाँजो हालिरहे । अवरोध छिचोल्दै २२ किलोमिटर तारबार गरेपछि अहिलेभने स्थानीय खुसी छन् ।
तारबारका लागि लामो समयसम्म विभिन्न निकायमा सहयोगका लागि आग्रह गरेका थिए । निर्वाचन क्षेत्र पूर्वाधार विकास कार्यक्रमबाट ६० लाख प्राप्त भएपछि तारबार गरेका हुन् ।
एसएसबीले काममा अवरोध गरेपछि स्थानीयले सशस्त्र प्रहरीलाई गुहारेका थिए । त्यसपछि एसएसबी पछि हट्यो । निर्माण क्रममा दबाब आएपनि स्थानीयले त्यसलाई प्रतिकार गर्दै तारबारको काम जारी राखे ।
एक महिनाअघि सशस्त्र प्रहरी र एसएसबीका बीचमा संयुक्त नापी टोली नआएसम्म तारबारलाई स्थायी सीमांकन नमान्ने मौखिक सहमति भएपछि तनाव कम भयो । स्थानीयको सक्रियतामा एक महिनामै २२ किमि विद्युतीय तारबार गरिउको हो । गेरुवा गाउँपालिका र राजापुर नगरपालिकाको दक्षिणी क्षेत्रमा तारबार गरिएको हो ।सीमास्तम्भ नम्बर ८७ देखि ९८ सम्मको क्षेत्रमा विद्युतीय तारबार गरिएको सशस्त्र प्रहरी बलले जनाएको छ ।
