भिडियो सहित हेर्नुहोस !
Advertisement
भ्रष्टाचारविरुद्ध लडेर 'उज्यालो नेपाल' बनायौं : गृहमन्त्री
गृहमन्त्री जनार्दन शर्माले अब कुनै आन्दोलन भए त्यो भ्रष्टचारविरुद्धको हुने बताएका छन् । आफू उर्जामन्त्री हुँदा भ्रष्टाचारविरुद्ध नै लडेर 'उज्यालो नेपाल' बनाएको जिकिर गर्दै मन्त्री शर्माले देशलाई समृद्ध बनाउनेबाहेक अरु कुनै लक्ष्य नभएको बताए ।
बिराटनगरको रंगेलीमा आयोजित कार्यक्रमलाई सम्बोधन गर्दै गृहमन्त्रीले अबको लक्ष्य विकास र आर्थिक समृद्धि भएको उल्लेख गरे । उनले स्थानीय तहमा भ्रष्टाचार हुन न दिने बताउँदै १५ वर्षमै नेपाललाई धनी देश बनाउन सकिने बताए ।
यसैगरी प्रहरीभित्र रहेका समस्या समाधान गरेर जनतालाई ढुक्क भएर जीवन जिउने वातावरण तयार पार्ने उनको उनको भनाइ छ । साथै उनले शिक्षा, स्वास्थ्यलगायत क्षेत्रमा आमुल परिवर्तन ल्याउने आफ्नो पार्टीको लक्ष्य भएको बताउँदै माओवादी केन्द्रले भनेको कुरा गरेर देखाएको बताए ।
