भिडियो सहित हेर्नुहोस !
Advertisement
प्रचण्डकी छोरीको बुद्धि रहेनछ – देवी ज्ञवाली
चितवन | चितवनको भरतपुर महानगरपालिका–१९ मा मतपत्र च्यातिएपछि निर्वाचन आयोगले पुनः मतगणना गराउन जिल्ला निर्वाचन कार्यालयलाई निर्देशन दिएको छ । आयोग सत्तापक्षको षड्यन्त्रको गोटी बनेको भन्दै एमाले सर्वोच्च अदालत गएको छ । एमाले मेयरका उम्मेदवार देवी ज्ञवाली आफूले जितेसकेपछि प्रत्यासी माओवादी केन्द्रकी उम्मेदवार रेणु दाहालले आफ्ना एजेण्ट प्रयोग गरेर मतपत्र त्यातेको आरोप लगाउँछन् । अदालतले आयोगको निर्णय बदर गर्ने र आफू विजयी हुने विश्वास उनलाई छ । कथंकदाचित अदालतले आयोगकै निर्णय सदर गरेमा भने पुनः मतदानमा भाग लिने र आफू जित्ने दाबी उनको छ । ज्ञवालीसँग भरतपुर प्रकरणबारे काठमाण्डुटुडेले कुराकानी गरेको छ । प्रस्तुत छ ज्ञवालीसँगको कुराकानीको सम्पादित अंशः–
के गरेर समय बिताइरहनुभएको छ ? म विगत ४० वर्षदेखि जनताको बीचमा रहेर राजनीति गर्दै आएको छु । जनताको मायामा उहाँहरुको खाका पोल्टामा हुर्केको मानिस हुँ । जनताकै बीचमा छु । मतदाता र मेरो बीचमा घनिष्ठ सम्बन्ध छ ।
