भिडियो सहित हेर्नुहोस !
Advertisement
प्रभु बैंकमा लाखौं नक्कली नोट, प्रहरी कारबाहीपछि खुल्यो पोल
वुटवल, २५ जेठ । पैसा फोटोकपी गरेर बैंकमा नक्कली नोट साट्दै गरेका युवा अन्ततः प्रहरीको फन्दामा परेका छन् ।
टवलको मिलनचोकमा रहेको प्रभु बैंकमा पटक पटक नक्कली रुपैँया साटेको सूचनाका आधारमा वुटवलको देवीनगर बस्दै आएका २१ बर्षिय सन्तोष मल्ल पक्राउ परेका हुन् । उनको साथबाट प्रहरीले एक हजार दरको नोट ३ सय ४९ र ५ सय दरको नोट १ सय ५ थान गरी चार लाख रुपैँया नक्कली नेपाली नोट बरामद गरेको छ । उनले नक्कली नक्कली नोट बनाउन प्रयोग गर्दै आएको गोप्य कोठाबाट नगदसँगै प्रिन्टर, ल्यापटप, पैसा छाप्ने कागजहरु पनि प्रहरीले नियन्त्रणमा लिएको छ ।
बरामद नगदमध्ये १ लाख १५ हजार प्रभु बैंकमा जम्मा भएको थियो । पहिलो पटक एक लाखको गड्डीमा एक हजार, दोस्रो पटकमा १४ हजार रुपैया उनले बैंकमा जम्मा गरेका थिए । बैंकका कर्मचारीले दुई पटक नक्कली नोट जम्मा गर्दा समेत पत्तो नपाएपछि उनले एक लाख नै बैंक काउण्टर पुर्याएको इलाका प्रहरी कार्यालय बुटवलका प्रहरी उपरीक्षक मुकुन्द मरासिनीले बताए । बैंकका कर्मचारीलाई शंका लागेपछि प्रहरीलाई खबर गरेका थिए ।
अर्फन हेल्पिङ नामक संस्था सञ्चालन गरेका मल्ल पुस्तक लेखन समेत गर्दै आएका थिए । उनी ओभरसियरका विद्यार्थी समेत हुन् । अन्य कुन कुन बैंकमा मल्लको कारोबार थियो भन्ने विषयमा प्रहरीले अनुसन्धान जारी राखेको छ ।
