भिडियो सहित हेर्नुहोस !
Advertisement
सोमबार बिहान कोरियामा गोर्खाका एक युवा झुन्डिएको आवस्थामा फेला... सुसाइड नोटमा 'मेरो मुटुको रोग उपचार गर्दा पनि ठिक भएन म डिप्रेशनको शिकार भएको छु, मेरो परिवारले कसैको केही बिगारेको छैन, मेरो बैंकमा भएको पैसा नेपाल पठाइदिनु, बाँकी पैसाले बहिनीलाई सिक्री किनिदिनु,...
दक्षिण कोरियामा एक नेपाली कामदार सोमबार बिहान झुन्डिएको आवस्थामा फेला परेको छन् । थेगुस्थित ख्यङसान मेङजिन फोजाङ कम्पनीमा कार्यरत गोर्खाका सुनिल अधिकारी कम्पनीको आवास गृहको बरन्डामा झुन्डिएको अवस्थामा फेला परेको थेगु सेल्टर संचालक चन्द्र लामाले बताए । २२ वर्षीय अधिकारी इपीएसमार्फत कोरिया आएका थिए ।
अधिकारीको शवसंगै सुसाइड नोट पनि भेटिएको थियो । नोटमा 'मेरो मुटुको रोग उपचार गर्दा पनि ठिक भएन म डिप्रेशनको शिकार भएको छु , मेरो परिवारले कसैको केही बिगारेको छैन , मेरो बैंकमा भएको पैसा नेपाल पठाइदिनु , बाँकी पैसाले बहिनीलाई सिक्री किनिदिनु , परदेशको जीवन यस्तै रहेछ, सबैलाई आइ लभ यु , आइएम सरी भनी लेखिएको कोरियन भाषा अनुवादक यज्ञराज सुवेदीले बताए ।
अधिकारी आइतबार राति १० बजेसम्म फेसबुक चलाइरहेको र अन्धकारमा खिचेको फोटो फेसबुकमा अपलोड गरी मेरो जीवन लेखिएको उनका साथीहरुले बताए । उनी कार्यरत कम्पनीमा १० जना नेपाली छन् । अधिकारी कोठामा एक्लै बस्दै आएका थिए । केहीअघि मात्र कम्पनीले लैजाने सामूहिक पार्टीमा अधिकारी निकै खुशी हुदै नाचेको उनका साथीहरुले बताएका छन्।
नेपाली दूताबासबाट घटनास्थलमा अहिलेसम्म कोही पनि आइनपुगेको सँगै काम गर्ने साथीहरुले बताए ।
कोरियामा झुन्डिएरु आत्माहत्या गर्नेको संख्या उच्च छ । यस्ता घटनालाई न्युनीकरण गर्न दूताबासलगायत विभिन्न नेपाली संघसंस्था र चिकित्सकहरु बेलाबेला विभिन्न कार्यक्रम गर्दै आएका छन् ।
