सडक दुर्घटनामा मृत्यु हुनेमा पैदलयात्री धेरै

भिडियो सहित हेर्नुहोस !
Advertisement


वैशाख १४, २०७४- गत वर्ष फागुनमा अर्जुन सेवाले चलाएको माइक्रो बसले किच्दा पैदलयात्री चिकित्सकद्वय सन्दीप सुवेदी र सोनी आनन्दको घटनास्थलमै मृत्यु भयो । बा १ य ४३ नम्बरको पर्यटक बोक्ने हरियो प्लेटको माइक्रोको अचानक ब्रेक फेल हुँदा उनीहरूलाई किच्यो ।



बानेश्वरस्थित विद्या संस्कार विद्यालयका विद्यार्थी बोकेको उक्त बसले महाराजगन्जस्थित कान्ति बाल अस्पताल ओरालोमा सडक छेउमा हिडिरहेको अवस्थामा उनी किच्दा घटनास्थलमै मृत्यु भयो । गतवर्ष नै तीनकुनेबाट बबरमहलतर्फ गइरहेको ना ५ ख २६१८ ट्रिपरले ठक्कर दिँदा नयाँ बानेश्वर चोकमा ७३ वर्षीया लक्ष्मी रेग्मीको मृत्यु भयो । सडकछेउमा हिंडिरहेकी उनकालाई चालकको लापरबाहीले गर्दा गाडीले मीनभवनस्थित निजामती अस्पतालमा मृत्यु भयो ।
उपत्यका ट्राफिक महाशाखाले आर्थिक वर्ष २०६८/०६९ देखि ०७३/७४ चैत्र मसान्तसम्मको सवारी दुर्घटनाको तथ्याङकलाई केल्याउँदा सडक दुर्घटनामा मृत्यु हुनेमध्ये ४१ प्रतिशत पैदल यात्रु भएको देखिएको छ । यो अवधिमा ७ सय २० जनाको सवारी दुर्घटनामा मृत्यु भएको छ । तीमध्ये २ सय ९६ जना पैदलयात्री छन् । आव ०६९/७० मा १ सय ४८ मृतकमध्ये ६३ जना पैदल यात्रु छन् भन् ०७०/७१ मा १ सय ४३ जना मध्ये ५३ जनालाई पैदल हिंडिराखेको बेला गाडीले ठक्कर दिएर मृत्यु भएको तथ्याङकमा उल्लेख छ । ०७१/७२ मा १ सय ३३ जनाको मृत्यु भएको छ जसमध्ये ५७ जना पैदल यात्रु छन् ०७२/७३ मा १ सय ६६ जनाको मृत्यु भएको छ, त्यसमध्ये ५७ पैदल यात्रीको मृत्यु गाडीले ठक्कर दिएर भएको हो । त्यसैगरी ०७३/७४ चैत्र मसान्तसम्म १ सय ३० जनाको सवारी दूर्घटनामा मृत्यु भएकोमा ५८ पैदल यात्री छन् ।


०६९/७० मा ६३
–०७०/७१ मा ५३
–०७१/७२ मा ५७
–०७२/७३ मा ६५
–०७३/७४ चैत्र मसान्तसम्म ५८


महाशाखाका डिआइजी मिङमार लामाका अनुसार सडक शिक्षाको कमि, कमजोर सडक संरचना, पैदल यात्रुमा जनचेतनाको अभाव र सवारी चालकको लापरबाहीले गर्दा पैदलयात्रीको मृत्यु हुने गरेको छ । ‘फुटपाथमा पसल, सवारी साधन पार्किङ गर्छ,’ उनले भने, ‘त्यसले पैदलयात्रीलाई मुख्य सडकमा हिँड्न बाध्य गराउँछ, पैदलयात्रीलाई गाडीले ठक्कर दिन्छ, अनि मृत्यु हुन्छ ।’

साथै, जेव्रा क्रसिङमा चालक तथा पैदलयात्रीले लापर्बाही गर्नु पनि मृत्यु कारण हुन सक्ने उनको भनाई छ । पछिल्लोपटक सडकमा व्यवस्थित ट्राफिक लाइट नहुँदा दुर्घटना बढेको उनले बताए । भएका संरचना पनि पैदल यात्रुले प्रयोग नगर्ने, सडकपेटीमा सावधानीपूर्वक नहिड्ने कारणले पनि सडक दुर्घटनामा मृतक संख्या बढ्ने गरेको छ ।

उनका अनुसार जेठ पहिलो सात्तादेखि फुटपाथमा नहिँडी मूल सडकबाट हिड्ने पैदल यात्रीलाई ट्राफिक प्रहरीले कारबाही/जरिवाना गर्ने तयारी गरेको छ । साथै, ट्राफिक बत्ती जोड्नेबारे पनि भौतिक पूर्वाधार तथा यातायात मन्त्रालयसँग छलफल भइरहेको उनले जानकारी दिए ।

जापान सरकारको सहयोगमा १५ वर्षअघि उपत्यका एक दर्जनभन्दा बढी स्थानमा निर्माण गरिएका ट्राफिक लाइट बिग्रिएका छन् । कालीमाटी, कोटेश्वर, नयाँ बानेश्वर, माइतीघर मण्डला, थापाथली, पुतलीसडक, पद्मोदय मोड, शंकरदेव क्याम्पस, कृष्ण पाउरोटी, जय नेपाल हल र दरबारमार्गमा निर्मित ट्राफिक लाइट बिग्रिसकेका छन् । केशरमहल, न्युरोड, भोटाहिटी, सिंहदरबार, नागस्थान र जमल लगायतका स्थानमा जडान गरिएका ट्राफिक लाइटले पनि काम दिदैनन् ।



Related Posts: