भिडियो सहित हेर्नुहोस !
Advertisement
भाईटीकामा कति प्रकारका रङ्ग लगाउने ? सात कि पाँच ? अनि कुन रङ्गको के अर्थ ?
,४ कात्तिक | तिहारमा सात प्रकारका रंगको टीका लगाउने कि पाँच प्रकारको भन्नेमा शास्त्र र सँस्कृतिका जानकारहरुको अझै पनि एक मत छैन ।
हिन्दू धर्म सँस्कृतिमा मनाइने सबै प्रकारका चाडबाडको तिथी मिति निकाल्ने र शुभसाइत जुराउने आधिकारिक सरकारी निकाय नेपाल पञ्चांग निर्णायक समितिका अनुसार तिहारमा सप्तरंगी टीका लगाउने भनेर उल्लेख छैन ।
समितिका अध्यक्ष प्रा.डा. रामचन्द्र गौतमले शास्त्रमा तिहारमा लगाइने टीकाको रङ रातो, सेतो, पहेंलो, हरियो र नीलो गरी पाँच प्रकारको मात्र उल्लेख रहेको जानकारी दिए ।
तर, सँस्कृतिविद डा. वासुदेवकृष्ण शास्त्री भने यसलाई मान्न तयार छैनन् । उनका अनुसार तिहारमा सात प्रकारका रंगको टीका नै लगाउनुपर्दछ ।
तिहारमा लगाइने सेतो रंग शान्तिको प्रतीक हो । निलो आरोग्य, कालो विरोध वा फौज, पहेंलो अध्यात्म, हरियो विकाश, बैजनी स्वतन्त्रता र रातो साहसको प्रतीक हो । त्यसैले यी सातै प्रकारका रंगको टीका तिहारमा प्रयोग गरिने शास्त्री बताउँछन् ।
