भिडियो सहित हेर्नुहोस !
Advertisement
शुक्लाफाँटा नगरपालिकामा कांग्रेस विजयी
असार १९, २०७४- स्थानीय तहको दोस्रो चरणको निर्वाचनमा कञ्चनपुरको शुक्लाफाँटा नगरपालिकामा नेपाली कांग्रेसका प्रमुख पदमा उम्मेदवार दिलबहादुर ऐर विजयी भएका छन् ।
आइतबार मध्यराति सम्पन्न मतगणनाबाट नेकपा एमालेका उम्मेदवार रणबहादुर महरालाई एक हजार तीन मतले पछि पार्दै कांग्रेसका ऐर विजयी भएका हुन् । ऐरले छ हजार ४३२ मत प्राप्त गरे, भने उनका निकटतम प्रतिद्वन्द्वी रणबहादुर महराले पाँच हजार ४२९ मत प्राप्त गरे ।
त्यस्तै शुक्लाफाँटा नगरपालिकाको उपप्रमुखमा भने एमालेका उम्मेदवार तुलसी हमाल विजयी भएकी छन् । पाँच हजार २९३ मत प्राप्त गरी उनी उपप्रमुखमा विजयी भएकी हुन् । उपप्रमुखमा कांग्रेसका उम्मेदवार धर्मा विष्ट ऐरले पाँच हजार २१० मत प्राप्त गरे । १८ हजार ६२१ मत खसेको शुक्लाफाँटामा ७९५ मत बदर भएको थियो । कञ्चनपुरमा हालसम्म दुई वटा गाउँपालिका र दुई नगरपालिकाको मतगणना सकिएको छ भने बाँकी पाँच नगरपालिकाको मतगणना भइरहेको छ ।
