भिडियो सहित हेर्नुहोस !
Advertisement
क्रिकेट बलले लागेर बंगलादेशमा युवकको मृत्यु
आश्विन २१, २०७४-अम्पायर बस्ने क्रममा क्रिकेट बलले लागेपछि शुक्रबार १७ वर्षीय युवक रफिकुल इस्लामको मृत्यु भएको छ ।
बंगलादेशको राजधानी ढाकास्थित बलुर माथ मैदानमा शुक्रबार बलले लागेपछि गम्भीर अवस्थामा रहेका उनलाई ढाका मेडिकल कलेज हस्पिटल पुर्याइएको थियो ।
मैदानमा क्रिकेट खेलिरहेको अवस्थामा अम्पायर बसेका उनलाई छातीमा बलले लागेपछि मैदानमै ढलेका थिए । गरिब परिवारका इस्लामका बुवा रिक्सा चलाउँछन् भने आमा घरेलु मजदुर हुन् । इस्लामको विधि अनुसार शुक्रबार अन्त्यष्टि गरिएको छ ।
तीन वर्षअघि अस्ट्रेलियाका ब्याट्सम्यान फिलिप ह्युज्सको पनि यस्तै अवस्थामा ज्यान गएको थियो । अस्ट्रेलियाका लागि २६ टेस्ट खेलेका उनको टाउकोमा बलले लागेपछि मस्तिष्कमा रक्तश्राव भएर मृत्यु भएको थियो ।
