भिडियो सहित हेर्नुहोस !
Advertisement
नक्कली प्रतिनिधि बनाएको भन्दै एनएआरएन सम्मेलनमा हंगामा, भोलि नयाँ नेतृत्वका लागि मतदान (भिडियाे)
नक्कली प्रतिनिधि बनाएको भन्दै एनएआरएन सम्मेलनमा हंगामा, भोलि नयाँ नेतृत्वका लागि मतदान (भिडियाे) काठमाडौंमा जारी आठौं एनआरएन विश्व सम्मेलनमा भाँडभैलो मच्चिएको छ । नक्कली प्रतिनिधि बनाई दर्ता गरेको भन्दै हंगामा भएको हो ।
एनआरएन अमेरिकाले स्वीकृत गरी पठाएको अन्तिम सूचीमा नामै नभएका करिब ६० जनाको नाम दर्ता गरेको भन्दै अमेरिकाका साधारण सदस्य नारायण थापाले निर्वाचन प्रक्रिया तत्काल स्थगित गर्न माग गरेका छन् । सो विषयमा विवाद उत्पन्न हुँदा एनआरएन प्रतिनिधिबीच हात हालाहालको स्थिति सिर्जना भएको थियो ।संघको अध्यक्ष पदका लागि भवन भट्ट, जमुना घले र टिबी कार्कीले उम्मेदवारी घोषणा गरेका छन् । सम्मेलनमा ७० भन्दा बढी देशका दुई हजार बढी प्रतिनिधि सहभागी छन् । एनआरएनए निर्वाचन समितिले प्रकाशन गरेको कार्यतालिकाअनुसार आज अपरान्ह ३ बजेदेखि भोलि विहान साढे ८ बजेसम्म उम्मेदवारको मनोनयन दर्ता हुने छ ।
भोलि बिहान साढे ९ बजे उम्मेदवारको प्रथम नामावली प्रकाशन हुनेछ । साढे ९ बजेदेखि साढे १० बजेसम्म उम्मेदवारको मनोनयन उपर दावी विरोधको लागि समय तोकिएको छ । विहान साढे ११ बजेसम्म उम्मेदवारी फिर्ता र छानविनको लागि समय तालिका छ ।
यस्तै, मध्यान्न १२ बजे उम्मेदवारको अन्तिम नामावली प्रकाशन हुने निर्वाचन समितीले जनाएको छ । अपरान्ह १ बजेदेखि ६ बजेसम्म मदतान हुनेछ । मतदान सम्पन्न भएको १ घण्टापछि मतगणना गरिने र भोलि बेलुका ८ बजेसम्म मतपरिणाम घोषणा गरिने तयारी छ ।
