भिडियो सहित हेर्नुहोस !
Advertisement
आयल निगमको भ्रष्टाचारबारे एमाले किन मौन ?
नेकपा एमालेका अध्यक्ष केपी शर्मा ओली शनिबार बिहान बिराटनगर विमानस्थलमा ओर्लिए । पत्रकारसँग संक्षिप्त प्रश्नोत्तर भयो । सञ्चारकर्मीले प्रश्न गरे- आयल निगमको भ्रष्टाचारबारे प्रतिपक्षी दल एमालेले किन मौनता सााधेको ?
पत्रकारको प्रश्नमा ओलीले तत्कालै जवाफ दिए । तर, आयल निगम अनि गोपाल खड्काका विषयमा केही बोलेनन् । बरु पत्रकारलाई नै भ्रष्टाचारबारे बोल्न ओलीले चुनौती दिए ।
ओलीले भने, ‘नेकपा एमालेले मौनता साँधेको भन्नुभयो, एमाले कुनै पनि कुरामा मोलाहिजा गर्दैन, मौनता साँध्दैन । भ्रष्टाचार भएको छ भने त्यसको मतियार पनि हुँदैन, हुने कुराप्रति सहनशीलता पनि राख्दैन । भन्ने, सुन्ने सहनशीलता, पाएसम्म झ्वाम पार्ने ! यसमा संलग्नता कसको छ ?’
एमाले अध्यक्ष ओलीले पत्रकारलाई प्रश्न गरे- तपाईहरुलाई थाहा छ ? कहिले कहिले केकेमा कति कति भ्रष्टाचार भएको छ ? अलिकति बोल्नोस् न कमसेकम ।’
आयल निगमको बारेमा प्रश्न सोधेका पत्रकारलाई ओलीको जवाफ थियो- ‘एउटा एउटा ईस्युको मात्रै कुरा गर्नुहुन्छ, एउटा ईस्यु होइन, हजार ईस्यु छन् । यो सरकार नै भ्रष्टाचारी सरकार हो ।’
उनले थपे- ‘यो सरकारले एकठाउँमा मात्रै होइन नि, ठ्याक्कै चुनावको अगाडि लाइसेन्स दिएर चुनाव खर्च उठाएको त्यो त थाहा होला । त्यतिबेला मिलेन भनेपछि पहिलो हप्ता दिन्छौं भनेर ३१ गते चुनाव छ, दुई/तीन गतेभित्र लाइसेन्स दिएको पनि थाहा होला । हामी पनि सञ्चार माध्यमबाटै थाहा पाइराखेका छौं ।’
एमाले अध्यक्ष ओलीले वर्तमान सरकार कानुनको भन्दा बलको मार्गमा हिँड्न उद्दत्त रहेको आरोप लगाए । उनले राज्यको अंग र निकायहरुलाई आफ्नो अनुकुलतामा सरकारले हिाडाइरहेको बताए ।
अहिलेको सरकारले भ्रष्टाचार गर्ने कुरामा मात्र रेकर्ड नबनाएर जम्बो मन्त्रिमण्डल निर्माण गर्ने रेकर्ड बनाएको बताए । पाएको खण्डमा आफ्ना सबै सांसदलाई मन्त्री बनाउन सरकार तयार रहेको भन्दै ओलीले देउवा सरकारप्रति व्यंग्य गरे ।
सुनसरीको दुहबीमा पार्टी प्रवेश कार्यक्रममा सहभागी हुन ओली पूर्व आएका हुन् ।
